10 июня 2021 г.
Краснодар крайĕнчи «Орбита» AMAKS курортра «Шахмат — шкулсенче» проектпа килĕшÿллĕн Пĕтĕм Раççейри «Дебют» ятлă ăмăртусем иртнĕ.
Унта 2020-2021 вĕренÿ çулĕнче шкулсенче шахмат вăййине чи ăста вĕрентме пултарнă конкурс çĕнтерÿçисем пухăннă. Чăваш Ен чысне Алексей Васильев ертсе пыракан Трак вăтам шкулĕн çамрăк шахматисчĕсем хÿтĕленĕ.
Пирĕннисем япăх мар ăмăртнă, 20,5 очко пухса 4—6-мĕш вырăнсене пайланă. Хĕрачасенчен Елизавета Ильина 8 очкопа пĕрремĕш вырăн йышăннă.