10 июня 2021 г.
Пикшикре Пĕтĕм тĕнчери ачасене хÿтĕлемелли куна анлăн паллă тунă.
Кану çурчĕ умĕнчи лапама тĕрлĕ тĕслĕ хăмпăсемпе, чечексемпе илемлетнĕ. Палăртнă вăхăтра уява ача-пăча, ашшĕ-амăшĕ пухăннă. Кану çурчĕн директорĕ Лидия Иванова праçнике йĕркелесе пынă. Ялти вулавăш ертÿçи Надежда Спиридонова ачасен уявĕн историйĕпе паллаштарнă.
Кĕçĕн çултисем тĕрлĕрен вăйă вылянă, конкурссенче тупăшнă, асфальт çинче ÿкернĕ, ташланă, юрланă. Праçнике хутшăннă кашни ачанах пылак çимĕçпе хăналанă.
Лев СОЛОВЬЕВ.