10 июня 2021 г.
Çĕртме уйăхĕн 4-6-мĕшĕсенче Шупашкарти «Олимп» стадионта çăмăл атлетика енĕпе Атăлçи федераци округĕн чемпионачĕпе ăмăртăвĕ иртнĕ.
Округри çăмăл атлетика старчĕсене 14 регионти 800-е яхăн спортсмен хутшăннă. Чăваш Енрен 136 çăмăл атлет тупăшнă. Ăмăртусенче районти ачасемпе çамрăксен спорт шкулĕн вĕренекенĕсем те лайăх кăтартупа палăрнă: Евгений Дмитриев 3 минут та 53,67 çеккунтра 1500 метр чупса тухнă, арçынсен хушшинче иккĕмĕш вырăн йышăннă. Анжела Гурьева чăрмавсем урлă 3000 метра чупса /11 минут та 38,41 çеккунт/ финиша виççĕмĕш çитнĕ.
Сергей ПЕТРОВ.