10 июня 2021 г.
Ветерансен хушшинче çăмăл атлетика енĕпе Тутарстан Республикин çуллахи уçă чемпионачĕ иртнĕ.
Унта Чăваш Ен командин йышĕнче Трак тăрăхĕн спортсменĕсем те тупăшнă. Иван Семенов /Красноармейски/ 65 çулти ветерансен хушшинче 200 м тата 400 м чупса пĕрремĕш вырăн йышăннă. Виталий Егоров /Чатукасси/ 800 м тата 1500 м чупса çĕнтернĕ.
Иванпа Виталие Трак енсем питех те аван пĕлеççĕ. Ватăсем хушшинче йĕркелекен пĕр спорт ăмăртăвĕ те вĕсемсĕр иртмест.
Халĕ вĕсем Шупашкарта утă уйăхĕнче иртекен Раççей чемпионатне хатĕрленеççĕ.