29 апреля 2021 г.

Алманч ял тăрăхне кĕрекен Нимĕчкасси ялĕнче пурăнакансем шăматкун субботнике тухрĕç.
Ĕçсене нумаях пулмасть суйланă ял старости Иван Кириллов йĕркелесе пычĕ. Веня Иванов, Зоя Иванова, Владимир Игнатьев, Александра Тимофеева, Антонина Аврамова, Зоя Васильева, Галина Павлова, Зоя Тимофеева, Вика Кириллова, Наташа Кириллова, Татьяна Павлова, Надежда Тимофеева, Алевтина Романова, Иван Александров, Владимир Тимофеев, Владимир Клементьев ял урамĕсене тирпей-илем кĕртес тĕлĕшпе тăрăшрĕç, 250 тĕп чăрăш лартса хăварчĕç, Аслă Çĕнтерÿ пулнăранпа 75 çул çитнине халалласа йĕркеленĕ аллейăна тасатрĕç, хăрнă йывăçсене çĕннисемпе улăштарчĕç.
Ял çыннисем çакăн евĕрлĕ субботниксене çу тăршшĕпех йĕркелеме килĕшсе татăлчĕç.
Вячеслав АВРАМОВ,
Алманч ял тăрăхĕн пуçлăхĕ.