25 февраля 2021 г.
Красноармейскинчи пĕтĕмĕшле пĕлÿ паракан вăтам шкулта Чăваш Енре Сăр тата Хусан хÿтĕлев чиккисене тăвакансен ĕç паттăрлăхне халалланă çулталăка савăнăçлă лару-тăрура уçрĕç.
Истори вĕрентекенĕ Любовь Илларионова ертсе пынипе 10-мĕш класс ачисем 7-мĕш классенче вĕренекенсем валли «Сас-чĕвсĕр хÿтĕлев чиккисен строителĕсене» уяв ирттерчĕç. Ăна Сăр тата Хусан хÿтĕлев чиккисене тунăранпа 80 çул çитнине халалланă. Вĕренекенсем литературăпа музыка композицине пăхрĕç, унта тематика презентацийĕпе, «Чăваш Ен» ПТРК хатĕрленĕ видеорепортажпа, оборона фондне çирĕплетме пулăшнă ентешсем пирки пухнă материалсемпе паллашрĕç, хÿтĕлев чиккисене тăвакансен ĕç паттăрлăхне халалланă сăвăсене, Тăван çĕршывăн Аслă вăрçи вăхăтĕнче окоп чавнă хастарсен аса илĕвĕсене итлерĕç. Мероприяти 7-мĕш «б» класра вĕренекенсем шăрантарнă «Я хочу, чтобы не было больше войны» юрăпа вĕçленчĕ.
Любовь Илларионова.