Публикации » Ачасем тулли кăмăлпа савăнчĕç

25 февраля 2021 г.

Тăван çĕршыв хÿтĕлевçин кунĕ умĕн райцентрти «Чебурашка» ача сачĕн «Почемучки» ушкăнĕнче уяв иртрĕ.

Унăн тĕллевĕ — пепкесене патриотла воспитани парасси, çĕршыв хÿтĕлев-çисене хисеплеме, Тăван çĕршыва юратма вĕрентесси тата ырă йăла-йĕркене аталантарса пырасси. Уявра ачасем сăвăсем вуларĕç, юрăсем юрларĕç, «Морячка» ташă ташларĕç. «Аврора» тата «Синяя волна» командăсем эстафетăсенче тупăшрĕç. Куракансем вĕсене хавхалантарса тăчĕç. Ăмăртусенче пĕр-пĕрне пулăшу кÿни, йывăрлăхсем умĕнче чарăнса тăманни, васкавлăн тĕрĕс йышăну тума пултарни ачасене чăрмавсем урлă каçса çар хатĕрĕсене вырăна çитерме, вăрçă хирне минăсенчен тасатма, тĕл пеме май пачĕ. Уяв вĕçленчĕ. Унта хутшăннисем кăмăллă юлчĕç.

Лариса Осипова,

Ирина Степанова.