14 января 2021 г.
Иртнĕ çул эпир Тăван çĕршывăн Аслă вăрçинче Çĕнтерỹ тунăранпа 75 çул çитнине паллă турăмăр. Çĕнĕ çул умĕн “Пулăшăвăн мобильлĕ бригадисем” проектпа килĕ-шỹллĕн, “Çĕнĕ çул ячĕпе, ветеран!” акци иртнĕ. Унăн йĕркелỹçисем — Пĕтĕм Раççейри “Единая Россия” политика пар-тийĕ, “Çĕнтерỹ волонтерĕсем” Пĕтĕм Раççейри обществăлла юхăм. Шел, пирĕн районта Тăван çĕршывăн Аслă вăрçин пĕртен-пĕр ветеранĕ çеç юлнă. Вăл Чатукасси ял тăрăхне кĕрекен Пулайкассинчи Н. Карпов. Николай Карпович Варшавăпа Берлин хулисене ирĕке кăларма хутшăннă. Район администрацийĕн пуçлăхĕ, “Единая Россия” партин вырăнти уйрăмĕн секретарĕ А. Кузнецов ячĕпе ăшă сăмахсем çитернĕ. Шел, сывлăхĕ çирĕп мартан парнене ветеранăн мăнукĕ илнĕ. Акцине район депутачĕсен Пухăвĕн çиччĕмĕш созыври Чатукасси тăрăхĕнчен суйланнă В. Николаева, ЧР Ĕç тата социаллă хỹтлĕх министерствин “Красноармейский ЦСОН” БУн социаллă ыйтусемпе ĕçлекен специалисчĕ З. Иванова, “Единая Россия” политика партийĕн районти уйрăмĕн яваплă çынни А. Вознесенская хутшăннă.