08 сентября 2020 г.
Трак енре “Ачана шкула пуçтар!” ыр кăмăллăх акцийĕ иртнĕ. Вăл федерацин “Çирĕп çемье” тата “Çĕнĕ шкул” парти проекчĕсемпе пурнăçа кĕрсе пырать. Асăннă акципе килĕшỹллĕн район администрацийĕн пуçлăхĕ А. Кузнецов тата “Единая Россия” партин вырăнти уйрăмĕн секретарĕ А. Вознесенская Кивĕ Йĕкĕтри нумай ачаллă Филипповсен çемйине парне кỹнĕ — теттесемпе шкул хатĕрĕсем парнеленĕ. Кил хуçи арçынĕ Валерий Николаевич “Краснополье” ОООра ĕç-лет, Любовь Леонидовна кил-çуртра тăрмашать. Филипповсен çемйинче 7 ача çитĕнет: Дмитрий (15-ре), Даниил (12), Моисей (9), Красноармейскинчи вăтам шкулта вĕренеççĕ, Юлиана кăçал асăннă шкулăн пĕрремĕш класне кайнă. Артема (5), Лианăна (3) тата Алисăна (2) Любовь Леонидовна воспитани парассишĕн тимлет. Çемьере туслăхпа ăнланулăх хуçаланать. Аслисем шкулта аван вĕренеççĕ, ашшĕ-амăшне пулăшаççĕ.