Публикации » Ултавçăсем

07 августа 2020 г.

Кỹршĕ хĕрармĕн килĕнче паян та цыгансем çаврăнчĕç. Пур-çук тимĕр-тăмăрне йăтса тухрĕç кил хушшинчен. Тата çине-çинех: “Пух! Пух!” тесе куçĕсене çавăраççĕ пикенсех. — Манăн çук пух! Ух! — тăлтти-талтти пускаларĕ кỹршĕ хĕрарăмĕ. — Çырма урлă каçса пăхăр-ха... — Ух! — хирĕçех кĕмсĕртетрĕ цыган хĕрарăмĕ. — Пух! Пух! — Ăçтан тупăнать-ха пух! Кăвакал та, чăх та усрамастăп. Кунта вара мамăкшăн çулăхаççĕ. Мĕн, тỹшекпе минтере тыттарса ярас-и? _ кисĕп пек урисене ăмăртмаллах хускатрĕ чăмăрскер. — Здрави желаю, манăн пур. Икĕ минтере харăсах парса яратăп. К-хм! — кăштах ỹсĕрсе илчĕ Çимун. — Ывăçра кăштах çитмест-ха. “Çитмест-ха” тенине çапларах ăнланмалла. Эсир çуралнă куна паллă тунă-çке. Хăвăнне мар, Пăрамунăнне. Калаçнă, пурнăçланă. Икĕ минтер мĕн хак-ши? Ан та ыйтăр. — Вăт сана пух!.. Вăт сана мамăк! Мухмăр та чĕртеймерĕм, — кĕçĕтмен ĕнсине кăтăрт! кăтăрт! хыçать арçын. — Ултавçăсем мар-и?

Г. Тусли.