Публикации » Трак вăтам шкулĕ — республикăри смотр-конкурс призерĕ

24 июля 2020 г.

Кăçалхи ака уйăхĕн 1-мĕшĕнчен пуçласа утă уйăхĕн 1-мĕшĕччен “Основы безопасности жизнедеятельности” тата “Безопасность жизнедеятельности” курссене вĕрентекен, вĕренỹпе пурлăх никĕсĕ пур пĕтĕмĕшле пĕлỹ паракан вăтам шкулсемпе професси паракан вĕренỹ организацийĕсем хушшинче “Лучший кабинет ОБЖ-2020” ятлă республикăри IV смотр-конкурс иртнĕ. Ăна ЧР Вĕренỹпе çамрăксен политикин министерствин яш-кĕрĕме çарпа патриотла воспитани паракан вĕренỹпе методикăн “АВАНГАРД” центрĕ, Чăваш Енĕн çар комиссариачĕпе Раççейри ДОСААФăн республикăри организацийĕ йĕркеленĕ, Тăван çĕршывăн Аслă вăрçинче Çĕнтерỹ тунăранпа 75 çул çитнине халалланă. Коронавирус инфекцийĕ анлăн сарăлнă май конкурсăн тĕп мероприятийĕсене дистанци мелĕпе йĕркеленĕ. Тупăшăва 123 вĕренỹ организацийĕ, çав шутра 118 пĕтĕмĕшле вăтам пĕлỹ паракан шкулсем хутшăннă. Комисси шкулсем тата професси пĕлĕвĕ паракан вĕренỹ организацийĕсем хушшинче 3-шер организацие “Чи лайăххисем” тесе палăртнă. Пĕтĕмĕшле вăтам пĕлỹ паракан организацисем хушшинче “Лучший кабинет ОБЖ-2020” номинацире Трак вăтам шкулĕ иккĕмĕш вырăн йышăннă.