Публикации » Ĕçлĕ çул çỹревпе район тăрăх

26 мая 2020 г.

 Район администрацийĕн пуçлăхĕ А. Кузнецов иртнĕ эрнере ĕçлĕ çул çỹревпе район тăрăх çỹренĕ. Вăл малтанах райцентрти Ленин урамĕнчи 26, 28, 30-мĕш çуртсен çывăхĕнче тротуарсене асфальт сарас ĕç мĕнле пынипе паллашнă. Александр Николаевич райцентрти суту-илỹ рынокĕнче пулса курнă, кунта санитарипе гигиена нормисемпе правилисене епле пăхăннине тишкернĕ. Район ертỹлĕхĕ “Красное Сормово” ООО ертỹçипе С. Ивановпа выльăх-чĕрлĕх ĕрчетес ыйтăва сỹтсе явнă. Паян обществăра пĕр пин пуç мăйракаллă шултра выльăх, икĕ пин пуç сысна шутланать. Нумаях пулмасть вĕсене комбикорм хатĕрлесе пама çĕнĕ оборудовани туяннă. Каярах Александр Николаевич “Таябинка” Агрофирма” ОООн уй-хирĕсене çитсе килнĕ. Кунта Чăваш Енре пĕрремĕш хăй тĕллĕн çỹрекен ТУМАН-3 опрыскиватель-разбрасыватель туяннă. Районти ачасемпе çамрăксен спорт шкулĕнче юсав ĕçĕсем вĕçленсе пыраççĕ. Ку ĕçсене “Колосок” ача садĕнче те тытăннă.