Публикации » Олег Николаев Çĕнтерỹ кунне уявламалли формата çĕнĕлле пăхса тухма хушнă

24 апреля 2020 г.

Çĕршывра коронавирус амакĕ алхаснине пула, Тăван çĕршывăн Аслă вăрçинче Çĕнтерỹ тунăранпа 75 çул çитнине халалланă мероприятисен форматне çĕнĕлле пăхса тухма чĕнсе каланă Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев. “Малтанласа палăртса хунă пек пĕтĕмпех мероприятисем пулаймĕç. Дистанци технологийĕ вăй илсе пынине кура, хăйне евĕр паянхи пурнăç таппине тỹр килтерсе паллă пулăма йĕркелеме йышăнса хăвармалла. Çĕнтерỹ кунĕ пирĕн паттăрсемшĕн чыслăн пурпĕрех иртмелле”, — палăртса хăварнă Олег Николаев. Калăпăр, Чăваш Ен Пуçлăхĕн тивĕçĕсене вăхăтлăх пурнăçлаканскер “Вилĕмсĕр полк” акцине хутшăннă. Вăл мероприяти социаллă сетьре анлă сарăлнă. О. Николаев хăйĕн аслашшĕ пирки питĕ кăсăклă каласа панă. Вăрçă хирне тухса кайнă тăвансем çинчен — асаттепе аслаттесем пирки хыпарсене #ВместеГордимся #ПерлеМухтанатпар сетьре Чăваш Енре пурăнакансене çырса пĕлтерме чĕнсе каланă.