12 сентября 2008 г.
Район администрацийĕн пуçлăхĕ С. А. Николаев граждансене пурăнма лайăх условисем туса хурас, тасалăхпа йĕрке тăвас, çавăн пекех йывăç-тĕмсене çĕнетсе упрас тĕллевпе сентябрĕн 8-мĕшĕнчен тытăнса октябрĕн 8-мĕшĕччен ялсене тирпей-илем кĕртмелли тата йывăç-тĕмсем лартмалли уйăхлăх ирттересси çинчен пĕлтернĕ.
Йышăнура ял тăрăхĕсен пуçлăхĕсемпе пурăнмалли çурт-йĕрпе коммуналлă хуçалăхăн муниципаллă предприятийĕн директорне санитарипе экологи уйăхлăхĕ иртнĕ тапхăрта халăха, мĕн пур харпăрлăхри предприятисемпе организацисен, учрежденисен ĕçченĕсене, шкул ачисене территорисене тирпей-илем кĕртме явăçтарма сĕннĕ. Пурăнмалли çурт-йĕрпе коммуналлă хуçалăхăн муниципаллă предприятийĕн директорне В. Л. Петрова çÿлерех асăннă тапхăрта территорисене тирпей-илем кĕртнĕ чух пухăннă çÿп-çаппа ăпăр-тапăра килти хытă каяшсене тăкмалли полигона тиесе тухас тата йышăнас ĕçе йĕркелесе тăма, ăпăр-тапăра ятарлă талонсемпе йышăнма, ялсене тирпей-илем кÿрес енĕпе ĕçлекен районти комиссине (С. Ф. Григорьев) ял тăрăхĕсен пуçлăхĕсемпе пĕрле территорисене пăхса тухассине, тирпей-илем кÿрес ĕç опычĕпе паллашассине йĕркелеме, вĕрентÿ пайне (Н. И. Антонов) экологи бригадисем пурнăçланă ĕçе тĕрĕслеме, ял хуçалăх пайĕн тĕп специалист-экспертне В. А. Васильева ялсене тирпей-илем кÿнĕ чух тунă ĕçсен калăпăшне, йывăç-тĕмсем лартнине тĕрĕслесе шута илме хушнă.
Асăннă йышăнăва мĕнле пурнăçласа пынине тĕрĕслессине район администрацийĕн ĕçĕсен управляющийĕ С. Ф. Григорьев çине хунă.