29 августа 2008 г.
Асăннă операцин виçĕ тапхăрĕ вĕçленчĕ. Унта пирĕн инспекципе пĕрле район администрацийĕн çул çитмен ачасемпе ĕçлекен комиссийĕ тата актив хутшăнчĕç. Уйрăммăн илсен, районти шалти ĕçсен пайĕн хăш-пĕр ĕçченĕсем те çак мероприятире активлă ĕçлерĕç. Усси пур.
Операцин кăтартăвĕсене те пĕтĕмлетĕпĕр. Ку вăхăтра эпир урамсенче тĕлли-паллисĕр çапкаланса çÿрекен,обществăлла йĕркелĕхе пăсакан,эрех-сăрапа туслашакан ачасене тупса палăртрăмăр. Çав шутрах йĕркерен тухнă тăватă ачана хамăр инспекцире профилактика учетне илтĕмĕр.
Юлашки вăхăтра йĕр-келлĕ мар çемьесем: ĕçкĕ-çикĕпе ашкăнаканнисем,ятлаçăнса харкашаканнисем, харпăр хăй ачи-пăчине кÿрентерекеннисем йышланчĕç. Кунашкаллисем уйрăмах Упи, Пикшик, Кĕçĕн Шетмĕ ял тăрăхĕсенчи ялсенче пур. Хальлĕхе çул çитмен ачасем çитĕнекеннисем çеç, япăх çемьесем ĕнтĕ, районĕпе утмăла яхăн.
Çулталăка çитмен ачасен кил-çурчĕсене райбольницăри медицина ĕçченĕсемпе тухса çÿресси йăлана кĕчĕ. Ашшĕ-амăшĕсемпе калаçатпăр, вырăнти условисемпе паллашатпăр. Сăмах май ку таранччен ашшĕ-амăшĕн тивĕçне пурнăçлайман çичĕ ашшĕ-амăшне административлă майпа явап тыттарнă.
Юлашкинчен çакна каласшăн эпĕ. Ачасем — пирĕн çĕр-шывăн пуласлăхĕ тата малашлăхĕ. Вĕсене çуратса тĕрĕс-тĕкел, сывă, çĕр-шыва юрăхлă çын туса çитĕнтересси — ашшĕ-амăшĕн пĕрремĕш тивĕçĕ.