29 августа 2008 г.
Чăваш Республикинчи ялсемпе хуласенче ача-пăча вутпа айкашнăран çулсеренех пушарсем алхасаççĕ. Çакă уйрăмах канăçсăрлантарать, пăшăрхантарать.
Ача-пăчасене пушар хăрушсăрлăх правилисене час-часах вĕрентсе калатпăр, тĕрлĕ конкурссем ирттеретпĕр пулин те, кăçалхи çул, пĕлтĕрхипе танлаштарсан, ачасенчен тухнă пушарсен шучĕ 5 хутчен ÿсрĕ (пĕлтĕр —1). Умлăн-хыçлăн тухнă икĕ пушар мĕн чул пурлăха пĕтерчĕ: шăмат кун Упи ялĕнче пĕр хуçалăх тĕпĕ-йĕрĕпе çунса кайрĕ, тунти кун Липовкăри пĕр хуçалăхра сарай çунчĕ. Пушара шкул çулне çитмен ачасем кăларнă.
Çавăнпа та пур ашшĕ-амăшĕсене чĕнсе каласшăн!
— Пĕчĕк ачасене килте кĕске вăхăта та пулин пĕччен ан хăварăр!
— Шăрпăкпа выляса пысăк инкек сиксе тухма пултарнине ăнлантарăр!