15:36 20 августа 2020 г.
Ĕнер Красноармейски райповĕн никĕсĕ çинче Чăвашпотребсоюз йĕркеленĕренпе 100 çул çитнине халалласа республикăри массăллă информаци хатĕрĕсенче ĕçлекенсемпе республика пĕлтерĕшлĕ семинар-канашлу пулнă. Ăна ЧР Цифра аталанăвĕпе информаци политикин тата массăллă коммуникацисен министерстви, Чăвашпотребсоюзăн канашĕ тата ЧР Журналистсен союзĕ пĕр пулса йĕркеленĕ. Кăçал вăл шучĕпе 20-мĕш пулнă. Трак ене респуликăри район-хула хаçачĕсен, телевиденипе радио журналисчĕсем килсе çитнĕ. “Красноармейскинчи çăкăр завочĕ” ОООра вĕсене Чăвашпотребсоюз правленийĕн председателĕ Л. Абрамова, Центросоюзăн информаципе коммуникаци центрĕн пуçлăхĕ Г. Лашманова, Красноармейски райпо канашĕн председателĕ Р. Николаева, район администрацийĕн пуçлăхĕ А. Кузнецов кĕтсе илнĕ. Чăваш тумлĕ хĕр хăнасене кăпăшка çăкăрпа тăвар сĕннĕ.
Журналистсем райпон суту-илỹ точкисене, строительство керамикин “КЕТРА” заводне çитсе курнă, райцентрти 1941-1945 çулсенчи Тăван çĕршывăн Аслă вăрçинче пуç хунисене асăнса лартнă монумент патне чĕрĕ чечексем хунă.
Район администрацийĕнче пысăк “Çавра сĕтел” иртнĕ.
АУ "Редакция Красноармейской районной газеты "Сельская жизнь"