Новости » Чăваш Ен Пуçлăхне суйлама тăратнă кандидатсемпе тĕл пулнă

15:34 08 июля 2020 г.

Оригинал

 Утă уйăхĕн 8-мĕшĕнче Красноармейски районĕн тата Трак енри ял тăрăхĕсен депутачĕсен Пухăвĕсен депутачĕсем Чăваш Ен Пуçлăхне суйлама тăратнă кандидатсемпе тĕл пулнă. Ку хутĕнче дискусси лапамĕ районти Культура çурчĕ пулса тăнă. Трак ене Чăваш Ен Пуçлăхне суйлама тăратнă 5 кандидат килнĕ: Александр Андреев (КПРФ партинчен тăратнă кандидат), Константин Степанов (ЛДПР), Сергей Матвеев ("Патриоты России"), Николай Степанов ("Российская партия пенсионеров за спраделивость") тата хăйне хăй кандидата тăратнă Андрей Ильдеменов. Тĕл пулăва ЧР муниципаллă пĕрлешỹсен ĕç тăвакан канашĕн директорĕ Станислав Николаев йĕркелесе ертсе пынă. Унта кашни кандидатах хăй пирки каласа кăтартнă, умри тĕллевсемпе, малашлăх программипе паллаштарнă. Юлашкинчен вĕсем депутатсен ыйтăвĕсем çине хуравланă. Çакна палăртмалла: ЧР Пуçлхне суйлама тăратнă кандидатсемпе вырăнти депутатсен тĕл пулăвне йĕркелессине ЧР Пуçлăхĕн тивĕçĕсене пурнăçлакан Олег Николаев сĕннĕ. Ю. Борисов.

АУ "Редакция Красноармейской районной газеты "Сельская жизнь"