Николай Дмитриевич Дмитриев-Карай

Николай Дмитриевич Дмитриев-Карай — сăвăç, прозаик хальхи вăхăтра творчество лаççинче ырми-канми ĕçлекен çыравçăсенчен пĕри. Сăвă хыççăн сăвă, калав хыççăк калав калăплать.

Николай Дмитриевичăн ĕç биографийĕ механизаторта вăй хума тытăннинчен пуçăннă. Пĕр вăхăт районти шкулсенче учительте, районти “Ял пурнăçĕ” хаçат редакцийĕн çырусен пайĕн заведующийĕнче ĕçленĕ.

Н. Карай çирĕм çул ытла Томск облаçĕнчи шкулсенче учительте вăй хунă. Унтах тивĕçлĕ канăва тухнă. Халь тăван ялне — Карая пурăнма килнĕ. Вăл “Пĕтĕм Раççейри Авторсен Обществин” членĕ, Пĕтĕм тĕнчери “Филантроп” премийĕн Сертификатлă номинанчĕ, районти Н. Янкас премийĕн лауреачĕ.

Ку таранччен ентешĕмĕрĕн “Шăллăм”, “Ураллă купăс”, “Туссем кĕнекесем”, “Ял пурнăçĕ” хаçат çумĕнче “Вырма парни” хушма кăларăм пичетленсе тухнă.

Кулăшпа шÿт, анекдот ăстисен конкурсĕнче пĕрремĕш вырăн йышăннă.

Çыравçă 1942 çулхи ака уйăхĕн (апрель) 15-мĕшĕнче Карай ялĕнче çуралнă.