03 июня 2021 г.
Чăваш Енри Ял хуçалăх министерстви ĕне усракансене тăкаксене саплаштарма çу уйăхĕн 25-мĕшĕнчен тытăнса республика бюджетĕнчен субсиди парса пулăшу кÿме тытăннă.
Чи малтан заявленипе тухнă 40 çынна 201,7 пин тенкĕ куçарса панă та ĕнтĕ. Субсидие ака уйăхĕн 1-мĕшĕ тĕлне килти хушма хуçалăхра сăвакан пĕр ĕнешĕн — 2400, иккĕ тĕк кашни пуçшăн — 3400 тенкĕ, виçĕ тата ытларах пулсан кашни пуçшăн 4400 тенкĕ параççĕ.
2021 çулта килти хушма хуçалăх тытакан 35 пин ытла çынна субсиди пама 171,4 млн тенкĕ пăхса хăварнă. Пулăшăва илме ял тăрăхĕн администрацийĕнче çирĕплетнĕ йĕркепе заявлени çырмалла.