20 мая 2021 г.
Кĕçĕн Шетмĕри ялти вулавăшра экологи пĕлÿлĕ-хĕн «Экологи çинчен — пĕтĕмпех ансат» урокĕ иртрĕ. Вăл ЧР Çут çанталăк министерствин «Мĕн юратнине хÿтĕлетпĕр» декадипе килĕшÿллĕн Чăваш наци библиотекин проекчĕпе йĕркеленчĕ.
Паянхи обществăра экологи ыйтăвĕсем питех те çивĕч тăраççĕ. Шкул çулчченхи ÿсĕмри пепкесене экологи пĕлĕвĕн никĕсне пани питех те вырăнлă тата уйрăмах пĕлтерĕшлĕ, мĕншĕн тесен пĕчĕккисем ăна хăйсен куçĕпе курса йышăнаççĕ. Ку чухне арçын ачасемпе хĕр пĕрчисем çут çанталăк илемне вун-вун сасăпа, шăршăпа кураççĕ-илтеççĕ, ăна юратма вĕренеççĕ.
Алина Сергеева библиотекарь ачасемпе «Çут çанталăк тата эпĕ — чăн-чăн туссем» калаçу урокĕ ирттернĕ май вĕсемпе «Это я, это я. Это все мои друзья!» вăййа йыхравларĕ.