20 мая 2021 г.
Ытларикун районти ачасемпе çамрăксен спорт шкулĕн стадионĕнче «Президент ăмăртăвĕсем» иртрĕç.
Республика шайĕнчи спорт фестивалĕн зонăри пĕрремĕш тăпхăрĕнче Трак енри тĕп стадионта Тăвай, Вăрмар, Куславкка районĕсенчи шкулсенче вĕренекенсем тупăшрĕç. Çамрăк спортсменсене районти ачасемпе çамрăксен спорт шкулĕн директорĕ Владимир Моисеев саламларĕ, ăмăртусенче ăнăçу сунчĕ. Вĕренекенсем турникрен туртăнассипе, 60 м тата 1000 м чупассипе, ытти енĕпе вăй виçрĕç, эстафетăра тупăшрĕç.
Чи пултаруллисем ăмăртăвăн иккĕмĕш тапхăрне тухрĕç.