20 мая 2021 г.
Тăван çĕршывăн Аслă вăрçинче Çĕнтерÿ тунăранпа 76 çул тултарнине халалласа çу уйăхĕн 9-мĕшĕнче Канашра тĕнче класлă спорт мастерĕн, тĕнче тата Европа шайĕнчи ăмăртусенче палăрнă А. Афанасьевăн парнисене çĕнсе илессишĕн ирĕклĕ майпа кĕрешес енĕпе «Çĕнтерÿ тĕпкĕчĕсем» ятпа III уçă ăмăртусем иртнĕ.
Унта Чăваш, Мордва Республикисенчи, Чĕмпĕрпе Мускав облаçĕсенчи, Мускав хулинчи 165 спортсмен хутшăннă. Ăмăртусене районти ачасемпе çамрăксен спорт шкулĕнчи СССР спорт мастерĕ Валерий Никитин тренер-преподаватель патĕнче ăсталăхне туптакан Павел Данилов та хутшăннă. Вăл 27 килограмлă виçе категорийĕнче виççĕмĕш пулнă.