13 мая 2021 г.
Район администрацийĕн пуçлăхĕ Александр Кузнецов Именкассинчи Леонид Посадскин хресченпе фермер хуçалăхне çитсе курнă.
Хуçалăх Чăваш Республикин Ял хуçалăх министерствин «Çемьен выльăх-чĕрлĕх фермисене аталантарасси» программăпа грант çĕнсе илнĕ. Паянхи куна унпа туллин усă курнă. Вăл укçа-тенкĕне çĕнĕ ферма тунă çĕре янă, техника туяннă, выльăх-чĕрлĕх йышне ÿстернĕ. Хальхи вăхăтра Посадскисем 600 ытла пуç сурăх усраççĕ. Çавна май вĕсем çывăх вăхăтра çĕнĕ ферма хута ярас шухăшлă.
Халĕ хуçалăхра çурхи уй-хир ĕçĕсем тулли хăватпа пыраççĕ.