Публикации » Ялав патĕнче — хуралта

29 апреля 2021 г.

Çу уйăхĕ çывхарса килет. Унпа пĕрлех — Çĕнтерÿ кунĕ те. Çу уйăхĕн 9-мĕшĕнче асатте-асаннесен хаяр вăрçă çулĕсенчи паттăр ĕçĕсене аса илетпĕр.

Çĕнтерÿ кунне халалласа Трак енри шкулсенче «Çĕнтерÿ ялавĕ патĕнчи часовой» акци старт илчĕ. Ака уйăхĕн пĕр кунĕнче Çĕнтерÿ ялавне пирĕн шкул йышăнчĕ. Кăçал мана пирвайхи хут çав хăмач патĕнче хуралта тăма тÿр килчĕ. Эпĕ питĕ хумхантăм, çав вăхăтрах çакна тивĕç пулнишĕн мухтантăм та, савăнтăм та. Çак кун манăн асăмра яланлăхах тăрса юлĕ.

Виктория АЛЕКСАНДРОВА,

4-мĕш класс вĕренекенĕ,

Еншик Чуллă шкулĕ.