22 апреля 2021 г.
Ака уйăхĕн 17-мĕшĕнче Мускавра пĕр тăван Знаменскисен ячĕллĕ Олимп центрĕн çăмăл атлетика манежĕнче ветерансен хушшинче çăмăл атлетика енĕпе чемпионат иртнĕ.
Ветерансен тĕп старчĕсем вара Челябинск хулинче пуш уйăхĕн 13-14-мĕшĕсенче пулнăччĕ.
Çĕршывăн тĕп хулинче Чăваш Ен чысне 65 çултан аслăрах шур сухалсем улттăн хÿтĕленĕ. Вĕсем тупăшусенче пĕтĕмпе сакăр медале тивĕçнĕ. Команда йышĕнче Трак енĕн икĕ спортсменĕ пулнă. 400 метра чупассипе Иван Семенов /Красноармейски/ пăхăр медаль çĕнсе илнĕ. Тăршшĕне сикессипе Юрий Федоров /Кÿлхĕрри/ япăх мар кăтартупа палăрнă.