22 апреля 2021 г.
Районти тăхăр ял тăрăхĕнче те Трак енри ял тăрăхĕсене пĕрлештерсе çĕнĕ пĕрлешÿ туса хурас, вĕсен муниципаллă округ статусне çирĕплетсе «Чăваш Республикин Красноармейски муниципаллă округĕ» ят парас, Красноармейски ялне административлă центр тăвас ыйтусемпе уçă калаçусем пулчĕç.
Вĕсене ял тăрăхĕсен депутачĕсем, вĕрентÿ, культура, сывлăх сыхлав учрежденийĕсенче ĕçлекенсем, ял çыннисем хутшăннă. Уçă калаçусен вăхăтĕнче район администрацийĕн пуçлăхĕ Александр Кузнецов вун-вун ыйтăва хуравланă. Пур çĕрте те çынсем Трак ене çĕнетсе улăштарассишĕн сасăланă.