22 апреля 2021 г.
Ака уйăхĕн 21-мĕшĕнче РФ Президенчĕ Владимир Путин Федераци Пухăвне черетлĕ Çырупа тухрĕ. Вăл шучĕпе 27-мĕш пулчĕ.
Владимир Владимирович вара ку йышши Çырупа хăй 17-мĕш хут тухса калаçрĕ. Мероприятие 1300-е яхăн çын хутшăнчĕ. Çав йышра РФ Патшалăх Думин депутачĕсемпе Федераци Канашĕн сенаторĕсем, регион ертÿçисем, министрсем, патшалăх шайĕнчи пуçлăхсем, общество деятелĕсем, тĕн çыннисем, журналистсем пулчĕç.
Программăллă документра çĕршывăн çывăх çулĕсенчи шалти тата тулашри политикин тĕп енĕсене палăртнă, умра тăракан çивĕч ыйтусене татса памалли çул-йĕре уçăмлатнă.