08 апреля 2021 г.
Çак кунсенче Кĕçĕн Шетмĕ ял тăрăхне кĕрекен Яманак ялĕнчи Зинаида Григорьевна Григорьева 90 çул тултарчĕ.
Пурнăçри паллă çак кунпа ăна Кĕçĕн Шетмĕ ял тăрăхĕн пуçлăхĕ Галина Ефимова, пĕр ял çынни Татьяна Смирнова, кÿршисем саламларĕç. Кинемей ячĕпе ăшă сăмах чылай янăрарĕ, ватăна уйăх пек çутă кун-çул, çурхи хĕвел пек ырă кăмăл, инçет çул евĕр вăрăм ĕмĕр, чăваш юманĕ пек çирĕп сывлăх, куç тулли телей сунчĕç. Зинаида Григорьевна Яманакра çуралса ÿснĕ. Пурнăçне «Красное Сормово» хуçалăхпа çыхăнтарнă. Хĕр çуратса ÿстернĕ. Халĕ кинемин икĕ мăнук, кĕçĕн ултă мăнук çитĕнет. Зинаида Григорьевна ватлăх кунĕсене пĕчченех ирттерет. Ăна кÿршисем пăхса тăраççĕ, йывăр ĕçсене пурнăçлама пулăшаççĕ.