01 апреля 2021 г.
Кăшăллă вирус эпидемийĕ алхаснă тапхăрти пысăк тăхтав хыççăн районти тĕп вулавăш çумĕнчи «Тимлĕх» клуб ĕçлеме пуçланă.
Иртнĕ кунсенче кунта ватăсем валли «Юрату пуртан эпир телейлĕ…» тĕл пулу йĕркеленĕ. Шур сухалсем патне нумаях пулмасть хăйĕн 80 çулхи юбилейне паллă тунă сăвăç-юрăç, хăй тĕллĕн вĕреннĕ композитор, чылай кĕнеке авторĕ Валентина Рудникова килнĕ. Валентина Васильевна кун-çулĕпе паллаштарнă, сăввисене вуланă, çĕнĕ юррисене шăрантарнă.