01 апреля 2021 г.
Пĕрлешÿллĕ нацисен организацийĕн /ООН/ сĕнĕвĕпе пуш уйăхĕнче Пĕтĕм тĕнчери Çĕр кунне паллă тăваççĕ.
Кĕçĕн Шетмĕри вулавăшра Алина Сергеева пуçарăвĕпе «Манăн ырă çĕр» экологи калаçăвне йĕркеленĕ, экологи, сывлăшпа шыва варалани, вăрмансене усăсăр касса пĕтерни пирки калаçнă. Кĕçĕн Шетмĕри пĕтĕмĕшле пĕлÿ паркан тĕп шкулăн вĕренекенĕсем Çĕр кунĕн паллисемпе, йăлисемпе тата историйĕпе паллашнă. Унтан ачасем викторинăра тупăшнă: экологи пĕлÿлĕхĕпе, тăван тавралăха сыхлассин культурипе çыхăннă ыйтусене хуравланă. Юлашкинчен мероприятие хутшăннисем тупмалли юмахсен тупсăмне шыранă, çĕр пирки сăвăсем вуланă.