Публикации » Чăваш Ен интересĕсене хỹтĕлĕ

25 сентября 2020 г.

ЧР Пуçлăхĕ О. Николаев çак должноçе ларсан чи пирвайхи Указсенчен пĕрне алă пуснă. Унпа килĕшỹллĕн Н. Федоров Раççей Федерацийĕн Федераци Пухăвĕн Федераци Канашĕнче Чăваш Енĕн ĕç тăвакан патшалăх влаçĕн представителĕ пулĕ — РФ сенаторĕн тивĕçĕсене пурнăçлĕ. О. Николаев Н. Федорова унăн республика умĕнчи тивĕçĕсене тата патшалăх управленийĕн тытăмĕнчи пысăк опытне шута илсе РФ Федераци Пухăвĕн Федераци Канашĕнче Чăваш Ен интере-сĕсене хỹтĕлеме сĕннĕ. Журналистсен ыйтă-вĕсене хуравланă май, О. Николаев çакна палăртнă: "Н. Федоров Чăваш Енре çуралса ỹснĕ, кунта вĕреннĕ, республикăн пĕрремĕш Президенчĕ пулнă. Николай Васильевич тăван республика, халăх умĕнче тăракан çивĕч задачăсене питĕ аван пĕлет, унăн Чăваш Ен интересĕсене хỹтĕлеме майсем çителĕклĕ".