Публикации » О. Николаев ЧР Патшалăх Канашĕн сессийĕн ĕçне хутшăннă

18 сентября 2020 г.

 Иртнĕ ытларикун ЧР Пуçлăхĕн тивĕçĕсене вăхăтлăх пурнăçлакан О. Николаев ЧР Патшалăх Канашĕн улттăмĕш созыври черетлĕ 43-мĕш сессийĕн ĕçне хутшăннă. Вăл хăйĕн сăмахĕнче чи малтан кăçалхи суйлав кампанийĕн ĕçне хутшăннисене, суйлав участокне килсе хăйсен сассисене панă суйлавçăсене тав тунă. “Чăваш Енре пурăнакансене суйлав участо-кĕсене килсе хăйсен сассисене республикăн çитес пилĕк çулхи тулли аталанăвĕшĕн панăшăн чĕререн тав тăватăп. Эпир çитес çулсенче тăван республикăра тĕп-леннĕ кашни ентешĕн пурнăç условийĕсене лайăхлатассишĕн хамăртан мĕн килнине пĕтĕмпех тума тивĕç”, — тенĕ Олег Алексеевич. “Умра вара питех те пысăк ĕç, — малалла палăртнă вăл. — Чи малтан регионăн социаллă пурнăçпа экономика аталанăвĕн стратегийĕнче палăртнă тĕп задачисене пурнăçа кĕртессишĕн тимлемелле. Çитес вăхăтра ЧР инвестици аталанăвĕн конкретлă пла-нĕсене пăхса тухса çирĕплетмелле. Эпир сирĕнпе таччăн çыхăнса ĕçлессе шанатăп. Халĕ чи малтан Чăваш Енĕн çитес тапхăрти бюджечĕпе ĕçлемелле”.