26 ноября 2019 г.
Красноармейски вăтам шкулĕнче чỹк уйăхĕн 11—12-мĕшĕсенче “Пĕлтер, ăçта вилĕмпе суту-илỹ тăваççĕ!” наркотика хирĕçле акци иртнĕ. 1—11-мĕш классенче пирус турни, наркотиксемпе усă курни çамрăк организма сиен кỹни çинчен тематикăлла калаçусем йĕркеленĕ. Чỹк уйăхĕн 21-мĕшĕнче, Пирус турма пăрахмалли Пĕтĕм тĕнчери кун, классенче “Эпĕ сывă пурнăç йĕркишĕн, ку питех те аван!” ятлă калаçусем йĕркеленĕ. Çав кун волонтерсен ушкăнĕ райцентрта пурăнакансене сывă пурнăç йĕркине тытса пырас енĕпе хатĕрленĕ памяткăсем панă. 8 “б” класра “Время быть здоровым!” урок-тренинг иртнĕ, 6—8-мĕш классенче вĕренекенсем районти сыватмăш тухтăрĕпе Г. Сушкопа тĕл пулнă, шкулăн фойинче наркотиксен сиенĕ çинчен стенд туса çакнă, 8—11-мĕш классенче баскетбол енĕпе “Веселые старты” ăмăртусем пулнă.