22 ноября 2019 г.
Çитес вырсарникун, ноябрĕн 24-мĕшĕнче, Аннесен кунне тĕнчипех паллă тăваççĕ. Çав куна хисеплесе эпир те “Пучах” ача садĕнче уява пуçтарăнтăмăр. Чи пĕчĕккисем (“Чăх чĕпписем” ятлă ушкăн) пуçларĕç çак уява. Ачасем пурте илемлĕ тум тăхăнса амăшĕсене, кукамайсемпе асаннесене юрă-ташăпа савăнтарчĕç, чун-чĕререн илемлĕ сăвăсем вуларĕç, тĕрлĕ вăйăсем вылярĕç. Уйрăмах амăшĕсене “Эпĕ хамăн аннене питĕ хытă юрататăп” юрă килĕшрĕ, хăшĕ-пĕрин куççуль те тухрĕ. Уяв вĕçĕнче эпир ачасемпе илемлĕ, хамăр алăпа тунă открыткăсене амăшĕсене парнелерĕмĕр. Тепĕр хутчен эпир аннесене питĕ юратнине, вĕсенчен ырă тĕслĕх илсе вĕсем пек пулма тăрăшнине пĕлтертĕмĕр.
С. Кузьмина.