19 марта 2019 г.
Заволжски ЛПУМГăн физкультурăпа сиплев комплексĕнче Трак енри пĕтĕмĕшле пĕлỹ паракан вĕренỹ учрежденийĕсенчи пуçламăш классен командисем хушшинче “Савăнăçлă стартсем” ятлă районти фестиваль иртнĕ. Ăмăртусене 10 команда хутшăннă. Асăннă ăмăртусем физкультурăпа спортăн комплекслă мероприятийĕсем шутланаççĕ, вĕсене ỹсекен ăрăвăн сывлăхне çирĕплетме, ачасене физкультурăпа спорта туллин явăçтарма йĕркелесе ирттереççĕ. Ăмăртăвăн I тапхăрне вĕренỹ организацийĕсенче ирттернĕ. Унта 2-4 классенче пĕлỹ илекен 3-шер арçын ачапа хĕр ачана кĕртнĕ. Программăна çакăн евĕр конкурссем кĕнĕ: “Змейка”, “Баскетбол”, “Самый меткий”, “Пингвины”, “Гимнастика”, “Скакалка”, “Передал — садись”, “Сценка в вагоне”, “В связке”. Хĕрỹ тупăшусенче Красноармейски вăтам шкул команди пĕрремĕш вырăна тухнă. Иккĕмĕшĕнче — Чатукассисем, виççĕмĕшĕнче — Трак шкулĕн команди. Вĕсем Дипломсене тивĕçнĕ.