19 марта 2019 г.
Заволжски ЛПУМГăн физкультурăпа сиплев комплексĕнче Пĕтĕм Раççейри физкультурăпа спорт комплексĕсен “Ĕçе тата оборонăна хатĕр” (ГТО) нормативĕсене парас тĕлĕшпе Трак енри шкулсенчи 9, 11 класĕсенче вĕренекен хĕрсем хушшинче хĕллехи фестивалĕн пĕрремĕшпе иккĕмĕш тапхăрĕ иртнĕ. Хĕрсем урайне выртса алăсене хуçлатассипе, пĕр минут хушши кĕлеткене çĕклессипе, кĕлеткене тỹрĕ тытса малалла тайăлассипе, икĕ урапа вырăнтан малалла сикессипе, пневматикăлла винтовкăран перессипе, 3х10 м (челночнăй чупу), 30 тата 2000 м чупассипе ăмăртнă. Кашни ушкăнтах çĕнтерỹçĕсене палăртнă.