Публикации » Красноармейскисем — Кивпулăх тăрăхĕнче

19 марта 2019 г.

 Календарьте — пуш уйăхĕ. Вырăнсенче Театр çулталăкне халалланă проектсене ĕçе кĕртме пуçларĕç. Районти Культура çурчĕ çумĕнчи халăх театрĕ (ертỹçи К. Васильева) те тĕрлĕрен проексене хутшăнса культура пурнăçне аталантарма тăрăшать. Театра, юрăпа-ташша, тăван ене юратни артистсемпе куракансене пĕр çĕре пĕрлештерет. Пирĕн пултарулăх коллективĕ Н. Сидоров çырнă “Çеçке çурчĕ юрату” камитпе Шупашкар районĕнчи Çĕньял ял тăрăхне кĕрекен Кивпулăхри кану çуртĕнче пулнă. Куракансем пирĕн артистсен пултарулăхне питех те ăшшăн йышăннă. Вĕсен кулли, тăвăллăн алă çупни камитре вылякансене туллин хавхалантарса тăнă. Спектакль хыççăн вырăнти кану çурчĕн менеджерĕ Е. Осипова Трак ен коллективне ăшшăн тав тунă, ăнăçусем суннă, малашне те хăйсен тăрăхне килсе çỹреме ыйтнă. Театр коллективĕ хăйĕн графикĕпе культурăпа кану учрежденийĕсене малалла тухса çỹрет.