Публикации » Таврапĕлỹçĕсен çулталăкри пухăвĕ иртнĕ

19 марта 2019 г.

 Пуш уйăхĕн 16-мĕшĕнче Шупашкарта наци вулавăшĕнче Чăваш таврапĕлỹçисен пĕрлĕхĕн çулталăкри пухăвĕ иртнĕ. Пуху Шăмăршă тата Хĕрлĕ Чутай районĕсенчи, Канаш хулинчи тата Тутарстанпа Чĕмпĕр облаçĕнчи уйрăмсен 2018 çулхи ĕçĕ-хĕлне пĕтĕмлетнĕ, таврапĕлỹ юхăмĕн татса памалли ыйтăвĕсене çĕкленĕ, историпе тата краеведенипе çырнă кĕнекесене хакланă, çак ĕçре палăрнă таврапĕлỹçĕсене хисеплĕ ятсем панă. Кунсăр пуçне таврапĕлỹ енĕпе кăларнă чи лайăх кĕнекесен авторĕсене дипломсемпе хавхалантарнă. Красноармейски шкулĕн вĕрентекенне, район энциклопедин тĕп редакторне Виталий Михайлова “Чăваш халăхĕн ăс-хакăл ăсти” (“Заслуженный деятель этнокультуры”) хисеплĕ ят парса чысланă. Саламлатпăр! И. Прокопьев.