Публикации » Трак ен спортсменĕсем те палăрнă

18 января 2019 г.

Кăрлачăн 11-13-мĕшĕсенче ЧР Физкультурăпа спорт министерствин Çĕнĕ Шупашкарти 3-мĕш №-лĕ СШОРăн çăмăл атлетсен манежĕнче çăмăл атлетикăпа Атăл çи федераци округĕн чемпионачĕпе ăмăртăвĕ иртнĕ. Тăватă виçе ỹсĕмĕнче медальсен 32 комплекчĕшĕн кĕрешнĕ. Спорт уявĕнче Чăваш Енри пултаруллă спортсменсене чысланă. Пирĕн ентеш, Еншик Чуллăра çуралса ỹснĕ Роман Георгиев “Раççей спорт мастерĕ” паллăна тата удостоверение тивĕçнĕ. Ăмăртусенче пирĕн ентешсем те палăрнă. ЧР Пуçлăхĕн Кубокĕшĕн пынă ăмăртусенче тупăшса, 3000 м дистанцире пирĕн район воспитанникĕ Сергей Петров мала тухнă. Атăлçи федераци округĕн чемпионачĕпе ăмăртăвĕнче вара 5000 м утса 19 мин 39,8 сек вăхăтпа Роман Георгиев чемпион ята тивĕçнĕ. Александра Андреева 2000 м чăрмавсем урлă чупса (6 мин. 59,9 сек) кĕмĕл медаль çĕнсе илнĕ. 23 çулчченхи каччăсенчен 1500 м (3 мин. 53,36 сек) чупса Александр Васильев çĕнтернĕ.