18 января 2019 г.
Хĕл — мĕн пур ачашăн çулталăкри чи юратнă вăхăт. Ăна вĕсем тахçанах кĕтеççĕ. Çак тапхăрта юртан Хĕл Мучипе Юр пикене, вăрманти тискер чĕр чунсен кỹлеписене ăсталама, юрпа выляма, ун çинче йăванма, çунашкапа, йĕлтĕрпе, конькипе ярăнма пулать. Алманч ялĕнче ачасем валли "Сани везите меня сами!" ятлă йăпатмăш сехечĕ иртрĕ. Çав кун ачасем тăвайккинчен çунашкапа ярăнчĕç, йĕлтĕр йĕрĕ çине тăчĕç, юр çинче футболла вылярĕç. Пурте çак мероприятипе кăмăллă юлчĕç, палăртнă вăхăтчен никам та киле каясшăн пулмарĕ.