18 января 2019 г.
Çитес юнкун, кăрлачăн 23-мĕшĕнче, Мускав вăхăчĕпе 12 сехетре Чăваш патшалăх оперăпа балет театрĕнче Чăваш Ен Пуçлăхĕ М. Игнатьев республика Патшалăх Канашне яракан черетлĕ Çырупа тухать. Çырура Чăваш Ен аталанăвĕн стратегилле енĕсене, Правительствăн тĕп ĕç-хĕлне, Патшалăх Канашĕн, вырăнти хăй тытăмлăх органĕсен, республикăри предприятисемпе организацисен малашлăх аталанăвне палăртнă. Йăлана кĕнĕ йĕркепе документа хатĕрленĕ чухне Чăваш Енре пурăнакансен, обществăлла организацисен тата граждан обществин ытти институчĕсен çыннисен сĕнĕвĕсене шута илнĕ. Савăнăçлă пухăва Чăваш наци телевиденийĕпе, Наци радиовĕпе, Чăваш наци телерадиокомпанийĕн сайчĕпе кăтартаççĕ.