18 января 2019 г.
Кирилл Романов — 2019 çулта Трак енре çут тĕнчене килнĕ пĕрремĕш пепке. Юрату, çемье, ача-пăча — ахаль сăмахсем кăна пек, анчах вĕсен çумĕнче мĕн чухлĕ савăнăç, хуйхă, телей, хумхану. Çемьере ачасăр çын хăйĕн тулли телейне туяймасть. Пепке çут тĕнчене килсен, çемьере çĕнĕ ĕç-хĕл пуçланать. Красноармейскинчи Андрейпа Лидия Романовсен çемйинче савăнăçлă пулăм — арçын ача çут тĕнчене килнĕ. Вĕсем ăна Кирилл тесе ят панă, вăл авалхи грек чĕлхинчен “господин”, “владыка” тенине пĕлтерет. Телейлĕ амăшне пепкен официаллă документне — çурални çинчен калакан свидетельство панă.