13 ноября 2018 г.
Районти ачасемпе çамрăксен пултарулăх çурчĕ "ШЫРАВ" наукăпа практика конференцине хутшăнма чĕнет. Ăна наукăпа техника творчествине кỹлĕннĕ ачасен пултарулăхне, тĕпчев тата проект ĕçĕ-хĕлĕн культурин никĕсĕсене аталантарма, федерацин патшалăх вĕрентỹ стандарчĕсемпе (ФГОС) килĕшỹллĕн предметсен, пĕтĕмĕшле вĕрентĕвĕн кăтартăвĕсене лайăхлатас тĕлĕшпе йĕркелеççĕ. Конференцине пĕтĕмĕшле пĕлỹ, ачасене хушма пĕлỹ паракан организацисен 18 çула çитичченхи вĕренекенĕ-сем хутшăнма пултараççĕ. Ăна виçĕ тапхăрпа йĕркелеççĕ: 1 тапхăр — муниципаллă (2018 çулхи ноябрьтен пуçласа 2019 çулхи февралĕн 9-мĕшĕччен); 2 тапхăр — тăратнă ĕçсен малтанхи экспертизи (суйласа илмелли тапхăр, 2019 çулхи февралĕн 9 — 25-мĕшĕ); 3 тапхăр — республикăри — куçăн майпа (очный), (2018 çулхи мартăн 3-мĕшĕнче, Шупашкар хули). Конференци çак номинацисемпе тата тематика секцийĕсемпе иртет: Наукăпа техника творчестви 1 №-лĕ секци. "Техникăлла модельлени тата кон-струкцилени" (авиа-, ракетомодельлени, авто-, мотомодельлени, картинг, судомоделизм тата ыт. те). 2 №-лĕ секци. "Вĕренекенсен наукăпа техника тата изобретатель проекчĕсем" (робототехника, радиотехника тата электротехника; приборсем, механизмсем; радиоэлектроника; рационализатор ĕçĕсем, эксперимент тата фантази моделĕсем). Ĕçлев пултарулăхĕ 3 №-лĕ секци. "Конструкци материалĕсене ĕçлесе ла-йăхлатасси (обработка) (йывăç, металл, пластмасс тата ыт. те) — Раççей космосне халалланă парнесемпе сувенирсем. 4 №-лĕ секци. "Декораципе ĕçлев пултарулăхĕ" — Раççей космосне халалланă парнесемпе сувенирсем. Йĕркелỹ комитечĕн йышăнăвĕпе конференцин тематика секцийĕсене, тăратнă ĕçсене кура, пĕр çĕре пĕрлештерме е темиçе секцине пайлама пултараççĕ. Конференцине икшер çынран тăракан коллективлă ĕçсене кĕртме пулать, енчен унта кашни вĕренекенĕн сумлă тỹпи пур пулсан. Конференцин йĕркелỹ комитетне çакăн пек документ-сем тăратмалла: заявка; тунă ĕçĕн (изделин) вĕренỹпе творчество проекчĕ (10 страницăран ытла мар), проектăн сăн ỹкерчĕкĕсем, аннотаци ("Наукăпа техника творчестви, 4 №-лĕ приложени); проектпа килĕшỹллĕн тунă ĕçе (изделие) хỹтĕлемелле. Çакна асра тытмалла. Вĕренỹпе творчество ĕçне прект требованийĕпе хатĕрлемелле. Проекта электронлă почтăпа йышăнмаççĕ. Конференцинче кашни номинацине уйрăммăн пăхса тухаççĕ: 5-8 классем; 9-11 классем. Чи лайăх ĕçсене 2019 çулта республикăри тапхăра хутшăнма тăратаççĕ. Çĕнтерỹçĕсемпе призерсене ра-йон администрацийĕн вĕрентỹ пайĕн Дипломĕсемпе чыслаççĕ.