05 декабря 2008 г.
“Республикăри ĕç сыхлавĕн центрĕ” патшалăх учрежденийĕ ноябрĕн 11—24-мĕшĕсенче район администрацийĕн çурчĕн ларусен залĕнче Раççей Федерацийĕн социаллă страховани фончĕн укçи-тенки шучĕпе страхланисен уйрăм категорийĕсене ĕç сыхлавĕн ыйтăвĕсене вĕрентрĕ.
Асăннă тапхăрта кунта тĕрлĕ ĕçсенче вăй хуракан 60 çын ĕç сыхлавĕ енĕпе пĕлÿ илчĕ. Вĕсем хушшинче пĕчĕк бизнес организацийĕсен ертÿçисем, шкул директорĕсем, медицинăпа ветеринари ĕçченĕсем, ял тăрăхĕсен пуçлăхĕсем пулчĕç.
Икĕ эрне хушшинче занятисенче ĕç енĕпе йышăннă саккунсене, предприятисемпе организацисенчи ĕç сыхлавĕ ыйтнисемпе тата ыттисемпе çыхăннă материалсене пăхса тухнă, производствăра аманнисене пĕрремĕш пулăшу пама вĕрентнĕ. Пĕлÿ илекенсене методикăлла пособисем панă. Вĕренÿ вĕçленнĕ хыççăн пурте ĕç сыхлавĕн ыйтăвĕсемпе экзамен тытса алла удостоверени илнĕ.