Публикации » Кĕнекесен малашлăхне мĕнле куратпăр

28 ноября 2008 г.

“Библиотека фончĕ тата пулас ăру: тĕл пулу пулма пултарать-и?” темăпа муниципаллă тĕп библиотекăра семинар-дискусси иртнĕ.

Хальхи вăхăтра кĕнеке тĕнчине хут томикĕсене пурăнмалли вырăн пек çеç пăхма кирлĕ мар. Персоналлă компьютерсемпе усă куракансен йышĕ питĕ хăвăрт ÿсет. Вулакансем компьютер мониторĕсем çинче электронлă страницăсене уçса хупаççĕ, хăйсемшĕн çĕнĕ дисциплинăсене çăмăллăн та хăвăрттăн алла илеççĕ, паллă литература произведенийĕсемпе тата çĕнĕ авторсемпе паллашаççĕ. Кĕнеке рынокĕн индустрийĕ пире çĕнĕрен те çĕнĕ кĕнекесем сĕнет. Кĕнеке продукцийĕпе интересленекенсем нумай. Интернет сетĕнче библиотекăсенчи электрон формачĕллĕ тĕрлĕ кĕнекесене вырнаçтарнă. Кăмăл пулсан хăв валли кĕнеке суйласа илме пулать. Библиотека ĕçченĕсен çав информацисене туллин пĕлмелле.