28 ноября 2008 г.
Кăçалхи сентябрĕн 20-мĕшĕнче республикăра 2008 çулхи чи лайăх класс ертÿçисене палăртмалли “Самый класный, класный” конкурс старт илчĕ. Вăл 2009 çулхи апрелĕн 30-мĕшĕччен пырать.
Конкурс “Чăваш Республикинчи вĕрентĕве 2006 —2010 çулсенче аталантарасси” республикăри тĕллевлĕ программăн “Чăваш Республикинчи ачасемпе çамрăксене воспитани памалли тытăма çĕнетесси” çум программа шучĕпе иртет. Унăн тĕллевĕ — творчествăлла ĕçлекен класс ертÿçисене тупса палăртса ĕçре пулăшса, хавхалантарса пырасси, вĕсен воспитани ĕçне йĕркелес çĕрти педагогика ăсталăхне ÿстересси. Вăл 2008 çулхи сентябрь — ноябрьте — шкулсенче, унтан 2008 çулхи декабрь — 2009 çулхи февраль уйăхĕсенче районта иртет. Конкурса пĕтĕмĕшле пĕлÿ паракан учрежденисенче пĕр класпа пĕр çултан кая мар ĕçлекен класс ертÿçисем хутшăнаççĕ. Вăл 4 ушкăнра иртет.
1 ушкăн: пуçламăш сыпăкри класс ертÿçисем.
2 ушкăн: вăтам сыпăкри класс ертÿçисем.
3 ушкăн: аслă сыпăкри класс ертÿçисем.
4 ушкăн: 25 çултан аслă мар класс ертÿçисем (2009 çулхи апрелĕн 30-мĕшĕ тĕлне).