28 ноября 2008 г.
Кăçал çулталăк пуçланнăранпа районта 27 хутчен вут-кăвар хуçаланчĕ. Çав шутран 23-ĕшĕнче пурăнмалли çурт-йĕр (80 процент) çунса кĕлленчĕ. Тимсĕрлĕхе пула 1 миллион тенкĕ тăкак тÿснĕ. Пушарта икĕ çын вилнĕ.
Ку таранччен, вырăнсенче тивĕçлĕ йĕрке тăвайманнипех, Упи ял тăрăхĕнче — 6, Кĕçĕн Шетмĕпе Мăн Шетмĕ ял тăрăхĕсенче — тăватшар, Еншик Чуллă ял тăрăхĕнче 3 хутчен вут-кăвар алхаснă.
Акă, черетлĕ тĕрĕслев вăхă-тĕнче вырăнсенче пушар хăруш-сăрлăхĕн правилисене куç кĕретех пăхăнман тĕслĕхсене тупса палăртрăмăр. Мăн Шетмĕ ялĕнче пурăнмалли икĕ хутлă йывăç çурт пур. Кунта — тăватă çемье. Анчах та çуртра пушар правилисене пăхăнмаççĕ. Кивелнĕ электропралуксемпе усă кураççĕ. Асăннă çурта газпа ăшăтмалли котельнăйĕ те юсавсăр.
Пушар хăрушсăрлăхĕн правилисене Мăн Шетмĕри 18 хваттерлĕ çуртра пурăнакансем те пă-хăнмаççĕ.
Тата икĕ çурчĕ те кам çинче шутланса тăрать-ши? Ĕлĕкрех иккĕшĕ те “Мичуринец” хуçалăхăн пулнă-çке… Халь камăн?! Никам та пĕлекен çук.