28 ноября 2008 г.
Пĕр хурт-хăмăр çемйинчен пыл мĕн чухлĕ илесси тĕрлĕ сăлтавсенчен килет. Çакăнта вĕлле хурчĕсене хĕл каçарассине мĕнле йĕркелени те пысăк вырăн йышăнать. Ноябрĕн 21-мĕшĕнче районти тĕслĕх библиотека никĕсĕ çинче районсем хушшинче иртнĕ хурт-хăмăрçăсен семинарĕнче калаçу çакăн пирки пычĕ те.
Вĕсем умĕнче ял хуçалăх наукисен докторĕ, Чăваш ял хуçалăх академийĕн профессорĕ И. Н. Мадебейкин тухса калаçрĕ. Янмурçинри К. П. Петров, Вăрманкасри А. И. Скворцов, Вутланти Е. П. Галкин, Пшонкăри О. Х. Амурина, Красноармейскинчи А. Алексеев тата Çĕрпÿри Г. П. Павлов хурт-хăмăр ăстисем ĕçри хăйсен вăрттăнлăхĕсене хаваспах уçса пачĕç. Семинара Светлана Гурьева библиотека ĕçченĕ йĕркелесе ертсе пычĕ.