25 ноября 2008 г.
Çуллахи каникул хыççăн районти тĕп библиотека çумĕнчи “Тимлĕх” клуб хăйĕн ĕçне пуçланă.
Черетлĕ занятире информаципе право сехечĕ иртнĕ. Ветерансене РФ Пенси фончĕн районти уйрăмĕн начальникĕн çумĕ Г. Шестакова пенси енĕпе йышăннă саккунри çĕнĕлĕхсемпе паллаштарнă, пухăннисен ыйтăвĕсене хуравланă. Вулав залĕнче библиотека тата Пенси фончĕн районти уйрăмĕн ĕçченĕсем пĕрле “Пенси фончĕ пĕлтерет” кĕтес йĕркеленĕ. Унта пенси саккунĕнчи улшăнусемпе периодика, буклетсем тата дайджестсем вырнаçтарнă.
С. Гурьева библиотекарь пирĕн паллă ентеш-музыкантсем пирки çырнă икĕ кĕнекепе паллаштарнă.